venstresida.net

Djupedal har omtalt NTNU-saka som eit statskupp (Adressa i dag). Men det triste pr. i dag er i og for seg ikkje bananrepublikk-saksgangen før og etter 21. mars 1995. Og underslag av høyringsfråsegner med «feil» innhald er interessant berre i eit historisk perspektiv.

Det triste pr. i dag er den avleiande brønnpissinga som i så mange år har funne stad når folk vil at framtida skal vere ulik status quo.

Det gledelege i dag er at Djupedal har brote eit veletablert tabu, og at eit fagmiljø i Trondheim har klart å overleve politikkens krumspring lenge nok til å kunne feire eit hundreårsjubileum. Eg gratulerer gjerne siv.ing.-miljøet med ein velfortent hundreårsfest, og ser også fram til hundreårsjubileet til dei frie faga («universitetsfaga») i 2022. Håper det vert gratis kake då òg.